O obxectivo principal deste tipo de actividades é o de mostrar, de xeito práctico, produtos ou servizos TIC ás empresas. Poderán ser:

• Xornadas demostradoras, orientadas a un sector produtivo ou a unha temática concreta, coa seguinte estrutura:
  • Exposición xenérica sobre as TIC e o sector ou temática escollida para as xornadas.
  • Presentación de casos de éxito, onde os propios empresarios relatarán a súa experiencia.
  • Demostración de produto(s) por parte de empresas TIC colaboradoras.

• Sesións demostradoras individuais, orientadas a que calquera axente do sector TIC poida mostrar, de forma práctica, os produtos e servizos que teña desenvolvido ás empresas posibles usuarias de tecnoloxía. Así mesmo, as distintas administracións poden facer uso do CD TIC para presentar ferramentas TIC de interacción co tecido empresarial galego.