Centro Demostrador TIC de Galicia

O Centro Demostrador TIC é o instrumento operativo enmarcado no eixo de actuación ecomIC-T "Empresa dixital e innovadora" da Axenda2014.gal e posto en marcha pola Secretaría Xeral de Modernización e Innovación Tecnolóxica, a Consellería de Traballo e Benestar xunto coa entidade pública empresarial Red.es, adscrita do Ministerio de Industria, Turismo y Comercio e cofinanciado con fondos FEDER.  

O Centro Demostrador constitúe o ESCAPARATE TECNOLÓXICO DE GALICIA e polo tanto unha referencia no impulso e a difusión do uso das TICs nos sectores produtivos galegos, a través principalmente da asesoría, capacitación e formación tecnolóxica.

O CDTIC, ubicado no Centro de Novas Tecnoloxías de Galicia, defínese como espazo de referencia para innovacións e oportunidades tecnolóxicase ofrece a todo o sector TIC a posibilidade de acceder ao uso das instalacións, equipamento avanzado e servizos dispoñibles, para a realización de actividades demostradoras de solucións TIC.

A misión do Centro é facilitar ás empresas TIC os medios para acercar a súa oferta de produtos ás empresas doutros sectores produtivos, de forma que poidan desenvolver produtos adaptados ás necesidades de mercado.

Deste xeito conseguiranse dous obxectivos: incrementar a demanda de produtos TIC e adaptar esta demanda ás necesidades de innovación dos sectores estratéxicos, facendo máis competitivos estes sectores mediante as incorporacións das TIC aos seus modelos de negocio (automoción, construción naval,enerxía, téxtil)

Como punto de encontro que é entre a oferta TIC e a demanda empresarial tecnolóxica, contribuirá a xerar e difundir a marca Galicia como una marca de solvencia de novos produtos e servizos tecnolóxicos xerados a través de novas ideas empresariais:

Para o sector TIC:

• Contar cun espazo físico e o apoio preciso para a realización de demostracións prácticas das solucións á empresas de todos os sectores produtivos.
• Contar cunha plataforma que proporciona unha maior visibilidade ós seus produtos, servizos e capacidades tecnolóxicas.
• Información de axudas, proxectos e iniciativas que poden axudar a incrementar a súa competitividade
• Fomento da cooperación mediante estratexias comúns de actuación
• Innovación adaptada ás necesidades do mercado
• Promover a creación de novas empresas e proxectos TIC xurdidos do proceso de escoita dos sectores produtivos

Para o sector non TIC:

• Demostracións prácticas de solucións tecnolóxicas que poden axudarlles a incrementar a súa produtividade e competitividade
• Un directorio onde atopar, dunha maneira rápida e sinxela, o provedor, produto ou servizo TIC galego que se axuste as súas necesidades
• Información precisa sobre as solucións mais novedosas para o seu sector
• Información de axudas e financiación, proxectos e iniciativas orientadas á implantación ou mellora das TIC no seu negocio

Queremos avanzar, queremos integrar as TIC de xeito efectivo en todos os sectores produtivos e unha boa fórmula é aliñar a oferta TIC e a demanda empresarial.